影片
更多
2021-06-04
189 浏览
朋友在荃湾返工，佢话好耐无食牛，想食牛扒，佢话呢间餐厅系几好，所以就拣左呢间食饭。餐厅地方唔大唔细，环境几好，暗暗地，有气氛，坐得舒服，倾计食饭最好不过。呢度menu选择都多，价钱又唔贵，叫一个餐，沙律同餐汤都无限添加，我哋就叫左石烧牛同埋pizza。餐汤系罗宋汤，配料钟意食几多都得，味道酸酸地，开胃，都几好饮。沙律菜用盒装住，好干净，酱汁可以拣麻酱同埋醋，食落爽口。朋友叫左个石烧之选，美国极级肉眼扒200g。黎嘅时候扒只系得三成熟，想食几熟就自己决定。肉眼扒厚身，肥瘦均匀，多肉汁，入口软熟，唔会硬掘掘，底仲有洋葱。扒系无加调味料腌制过嘅，原汁原味，加少少盐食已经唔错，朋友超赞。食肉兽pizza系薄批，上枱热辣辣，里面有莎乐美肠，肠仔，火腿同埋烟肉，咬落去啖啖肉，虽然配料大多数系咸，但味道都唔会咸得过份，几好食。
餐厅地方唔大唔细，环境几好，暗暗地，有气氛，坐得舒服，倾计食饭最好不过。
呢度menu选择都多，价钱又唔贵，叫一个餐，沙律同餐汤都无限添加，我哋就叫左石烧牛同埋pizza。
餐汤系罗宋汤，配料钟意食几多都得，味道酸酸地，开胃，都几好饮。沙律菜用盒装住，好干净，酱汁可以拣麻酱同埋醋，食落爽口。
朋友叫左个石烧之选，美国极级肉眼扒200g。黎嘅时候扒只系得三成熟，想食几熟就自己决定。肉眼扒厚身，肥瘦均匀，多肉汁，入口软熟，唔会硬掘掘，底仲有洋葱。扒系无加调味料腌制过嘅，原汁原味，加少少盐食已经唔错，朋友超赞。
食肉兽pizza系薄批，上枱热辣辣，里面有莎乐美肠，肠仔，火腿同埋烟肉，咬落去啖啖肉，虽然配料大多数系咸，但味道都唔会咸得过份，几好食。
张贴
