影片
更多
2023-09-19
778 浏览
由于朋友好钟意食burger 所以佢成日捐窿捐罅揾啲抵食嘅餐厅嚟试😉 呢日过嚟荃湾揾佢食lunch 佢带咗我嚟食呢间大件夹抵食嘅汉堡包店😙 一至五有学生优惠仲每个餐减$10添啊澳洲和牛汉堡呢个和牛汉堡要额外加钱 但系绝对物超所值 和牛汉堡厚实又Juicy 牛味浓郁得来又唔觉得好肥腻🐮 呢个质素再配呢个价钱真系好抵食 我同朋友已经讲定下次要再嚟食啦😂 和牛汉堡入面除咗有burger酱 蕃茄 生菜 芝士之外 仲有特制嘅炒洋葱🧅手打安格斯牛汉堡另一个牛肉汉堡价钱更加相宜 但系质素绝对都唔差㗎 安格斯牛肉汉堡嘅牛味都相当出众🍔 牛肉汉堡厚身 仲几有口感 入面同样有番茄 生菜 同埋芝士🧀 食完已经觉得好丰富薯格全日套餐额外加$3就有个脆薯格 薯格每片都大大片 而且份量好多 食落口有少少辣辣地几惹味🥔自家制沙律如果想食得健康啲可以嗌呢份沙律🥗 入面都有几款唔同嘅蔬菜 面头仲有啲蜜糖芥末沙律酱 捞匀一齐食味道几好 不过略嫌店员重手咗少少 多咗少少酱😂饮品有几款罐装饮品可以选择 亦可以加钱转咖啡☕️ 我哋就拣咗乌龙茶同埋食burger最想饮嘅汽水 有原味或者Zero可乐拣🥤柠檬胡椒鸡翼除咗burger之
由于朋友好钟意食burger 所以佢成日捐窿捐罅揾啲抵食嘅餐厅嚟试😉 呢日过嚟荃湾揾佢食lunch 佢带咗我嚟食呢间大件夹抵食嘅汉堡包店😙 一至五有学生优惠仲每个餐减$10添啊
澳洲和牛汉堡
呢个和牛汉堡要额外加钱 但系绝对物超所值 和牛汉堡厚实又Juicy 牛味浓郁得来又唔觉得好肥腻🐮 呢个质素再配呢个价钱真系好抵食 我同朋友已经讲定下次要再嚟食啦😂 和牛汉堡入面除咗有burger酱 蕃茄 生菜 芝士之外 仲有特制嘅炒洋葱🧅
手打安格斯牛汉堡
另一个牛肉汉堡价钱更加相宜 但系质素绝对都唔差㗎 安格斯牛肉汉堡嘅牛味都相当出众🍔 牛肉汉堡厚身 仲几有口感 入面同样有番茄 生菜 同埋芝士🧀 食完已经觉得好丰富
薯格
全日套餐额外加$3就有个脆薯格 薯格每片都大大片 而且份量好多 食落口有少少辣辣地几惹味🥔
自家制沙律
如果想食得健康啲可以嗌呢份沙律🥗 入面都有几款唔同嘅蔬菜 面头仲有啲蜜糖芥末沙律酱 捞匀一齐食味道几好 不过略嫌店员重手咗少少 多咗少少酱😂
饮品
有几款罐装饮品可以选择 亦可以加钱转咖啡☕️ 我哋就拣咗乌龙茶同埋食burger最想饮嘅汽水 有原味或者Zero可乐拣🥤
柠檬胡椒鸡翼
除咗burger之外 见到有鸡翼都想食🐥 加埋一齐真系好满足 鸡翼每只都好大只 而且咬落口 仲几多鸡汁👍🏻 柠檬胡椒调味粉喺面头味道几新鲜 就算一个人食晒五只都唔会太油腻
炸鱼薯条配塔塔酱
朋友好想试呢度嘅炸鱼柳 所以嗌埋呢份小食试吓🐟 有一大片炸鱼柳喺度 炸粉唔算太厚 而且入面嘅鱼肉仲好嫩滑 最吸引我嘅都系佢嘅炸薯条 系我好钟意嘅粗薯条嚟㗎🍟
呢度嘅牛肉质素咁好 难怪外卖员同埋学生都络绎不绝啦👍🏻 呢个又抵又美味嘅选择 系真心想推介俾大家
张贴
