爆丼丼 (已結業)

舖头开张前已经有留意呢间餐厅，身为荃湾人都知o个个位置既食肆唔易做，但每次行过呢间舖都见到爆场甚至有人等位，想必食物质素应该唔错，当然要抽时间试试啦。一行二人入到店舖望餐牌都有唔少选择舖头虽小但已经坐满哂人，好彩咁岩位唔使等，Yeah! 望下墙边，呢度既招牌菜应该系丼饭同拉面。我简左极上鱼生丼（$148）而朋友就简左北海丼（$128），等左5分钟到就送到台上，都好快手。极上鱼生丼（$148）第一眼既感觉系卖相吸引，位量极多，两个女仔都够食！呢个丼饭有齐牡丹虾、三文鱼、海胆、带子、油𫠐鱼，全部都厚切又新鲜，小编特别钟意海胆，味道唔腥，鲜甜味浓，下次一定要试下舖满海胆既四重爆丼先得。随餐仲附送大大碗面豉汤，呢个餐性价比超高，值得一试!北海丼（$128）友人的北海丼则包括吞拿鱼、吞拿鱼蓉、带子、油𫠐鱼以及三文鱼，鱼蓉打得好幼滑，黏黏滑滑，再夹著青葱丝，有著淡淡既草青味，好好味，其他刺身同样油脂甘甜，入口即化，跟餐送可乐，食完超饱超满足。埋单加一每人都系百五蚊，好味又够饱，地点都方便，好开心荃湾有间咁高质既丼饭小店，真心值得推介！