拉麵台風 (已搬遷) 新店位置

拉面台风开咗咁耐（已经8年）一直都有帮衬。初初开嘅时候香港都仲系好少拉面店，到而家愈来愈多竞争都大咗。拉面台风唔系最top 嘅，不过性价比高，唯一缺点系排得耐，特别而家限聚，佢只系坐一半人。今次星期六8:00pm到开始排，等咗45分钟终于有得食。平时最钟意系沾面，因为系限定，今日食唔到。今次叫咗骨胶原拉面同埋鱼介猪骨拉面。夏天食骨胶原唔会食到个人好热。虽然冇汤，但系唔会干，而且都好够味。我今次要咗一半面量，可能免费加一份配菜，今次加咗辣芽菜。另外嘅鱼介猪骨汤。汤都好够味，面弹牙，叉烧都滑不过唔系好香，蛋好食。仲要份量多，$80真系算抵。叉烧有时一块有时系一粒粒，我觉得粒粒好食啲，冇咁干。记得以前刚刚开面量仲多，不过叉烧好柴，有日本师傅。好似而家已经唔见日本师傅，可能去咗另外分店。