台蔡滷肉飯

营业中

休息中

开门之前都要排十分钟队，平日都大概排咗6-7台人系前面，职员都有准时开门安排客人入座。店内环境都有啲狭窄，唔算话好大。肉松卤肉饭，$58，肉松同卤肉呢个配搭，甜甜咸咸咁又几夹，只蛋都混和到系入面。盐酥鸡卤肉饭套餐，$70，配菜嘅味道正常冇乜特别，盐酥鸡就有惊喜，份量多，有7-8旧，算多肉汁同嫩滑。香肠蛋饼，$40，同平时食开嘅蛋饼有啲唔同，中间系有酥皮，味道就冇乜记忆点。大红袍珍珠奶茶，$15（跟餐价），传统台式奶茶嘅味道，大红袍嘅味道无话好突出，珍珠份量多。