老闆娘雲南米線

营业中

休息中

一早bookmark定呢间老板娘米线，今次终于有机会可以去食啦。叫咗：▪️麻酸辣汤（小辣）米线，配招牌酥炸鸡球＋鱼肉腐皮春卷每碗米线$48起计，每款𩠌另加$12。配菜选择都几多，容易花多眼乱。今次叫咗两款比较热气嘅炸鸡同鱼肉春卷，全部都系即炸，有用纸袋另外装住，唔怕俾啲汤浸到腍晒。虽然净系叫咗两个𩠌（鸡件三件，春卷两条）但汤入面有唔少肉碎同酸菜，加埋大兜腍滑米线，份量都够晒饱肚。-今次去食𠮶阵无得堂食，所以未见识到堂食好长人龙嘅情况。不过只做外卖都人气不减，排紧嘅人都有十个左右。填好纸，拣要食咩之后，俾钱，留底你电话4个字，预15-20分钟后，行一阵再返嚟拎就得。