影片
更多
2024-04-17
104 浏览
之前一直都好想试流水虾🦐🦐任食，留意到原来荃湾大鸿辉都有一间，上网一睇，原来佢仲系全香港首间无限时，真系未去食都已经好兴奋🤩我哋放咗工去食，放工时间真系建议一定要预订，咁就唔使等好耐已经可以入座！个场地其实好大，一入到去就俾佢自助海鲜区吸引住，有好多唔同类型嘅海鲜，有带子、扇贝、珍珠贝、鱿鱼、鲍鱼同埋唔同嘅鱼类，一定有一款啱你食🙆🏻♀️行到埋位，店员会好细心咁问你有冇食过，冇嘅话佢会慢慢介绍俾你听应该点样烧先啱，其中有个姐姐仲要非常好人咁整埋俾我哋睇点样烧鲍鱼💯 PS 依家每一位仲会送一串白鳝，味道非常好，同埋新鲜，一定要试吓🥰🥰之后就当然到全晚嘅主角流水虾，一只只好生猛咁喺鱼缸里面，要成功夹到佢哋都真系需要一啲勇气。店员会提你一定要摆落去冰水度冻晕哂佢哋先好拎去烧，如果唔系一定会跳到飞起😂😂其实除咗海鲜同埋流水虾，自助区入边都有唔同类型嘅肉类，例如鸡软骨，牛肉粒，金菇肥牛等等！一众食肉兽见到都一定流晒口水🤤食完主食，咁当然系到甜品登场嘅时间。呢度甜品嚟讲种类都算多。有阿波罗朱古力云呢拿味道，亦都有香印提子雪条。最惊喜就系佢有豆腐味嘅雪糕，出面都真系几难揾！😋整体觉得成间餐厅嘅安排都好
我哋放咗工去食，放工时间真系建议一定要预订，咁就唔使等好耐已经可以入座！
个场地其实好大，一入到去就俾佢自助海鲜区吸引住，有好多唔同类型嘅海鲜，有带子、扇贝、珍珠贝、鱿鱼、鲍鱼同埋唔同嘅鱼类，一定有一款啱你食🙆🏻♀️
行到埋位，店员会好细心咁问你有冇食过，冇嘅话佢会慢慢介绍俾你听应该点样烧先啱，其中有个姐姐仲要非常好人咁整埋俾我哋睇点样烧鲍鱼💯 PS 依家每一位仲会送一串白鳝，味道非常好，同埋新鲜，一定要试吓🥰🥰
之后就当然到全晚嘅主角流水虾，一只只好生猛咁喺鱼缸里面，要成功夹到佢哋都真系需要一啲勇气。店员会提你一定要摆落去冰水度冻晕哂佢哋先好拎去烧，如果唔系一定会跳到飞起😂😂
其实除咗海鲜同埋流水虾，自助区入边都有唔同类型嘅肉类，例如鸡软骨，牛肉粒，金菇肥牛等等！一众食肉兽见到都一定流晒口水🤤
食完主食，咁当然系到甜品登场嘅时间。呢度甜品嚟讲种类都算多。有阿波罗朱古力云呢拿味道，亦都有香印提子雪条。最惊喜就系佢有豆腐味嘅雪糕，出面都真系几难揾！😋
整体觉得成间餐厅嘅安排都好唔错，抽风又非常好，差不多成场满人都唔觉得烟雾弥漫同埋一大阵油烟味。店员亦都好细心咁解释同埋教你点样去烧。而且无论海鲜定系其他食物，refill嘅速度都系超级快，完全唔需要担心俾人夹哂冇得食👍🏻👍🏻
张贴
