Vision 8

放工约咗朋友去荃湾行阵，随意行下睇下有咩晚餐食，经过兆和街有间西餐小店，决定入去试试！首先送上餐包，意想不到餐包都好有诚意又好食，令我充满期待！有一片薄脆多士、两款面包都系烘过，外层脆脆地，配上黑松露牛油！蕃茄水牛芝士配意大利香草酱 $98————————————又Fresh又丰富嘅前菜，水牛芝士属于淡芝士，比较适合大众口味，加埋蕃茄一齐食，令成个感觉更fresh，再加上香草酱，有淡淡嘅橄榄油香味，层次感更丰富。烤美国极佳级肩胛牛扒 $288————————————非常特别，因为有得拣芥未籽汁，味蕾可以多一点点🤏🏾刺激。果然系极佳级，牛肩胛嘅脂肪含量较多，肉质鲜嫩具弹性、味道浓厚。我地Order五成熟，内里做到半生熟效果，好满意。份量又大，真系抵食！小元贝•西兰花忌廉汁烩意大利饭配 加拿大海胆 $218————————————烩饭做得刚好，意大利饭外软内韧，里面仲有一点点生嘅口感。加拿大海胆味道浓郁，质感软滑。苹果金宝配云呢拿雪糕 $78————————————有惊喜，特别嘅做法，金宝形成一粒粒Cube，非常香口！好似食紧烤烘过嘅曲奇，软化左嘅苹果切成一片片，配上特有嘅酱汁，好好食！