海港燒鵝海鮮酒家 (已結業)

约友去荃湾食晚饭，因太耐无到喱区开餐喇。所以要上Open Rice 找间环境好啲嘅，可以一路食嘢同一路吹吓水嘅酒楼。见到海港烧鹅海鲜酒家之赞赏食评好多同名次排得好前，故一于选择此间通知两位老友。当晚大家都费事谂，就叫了个有三味𩠌嘅海鲜特价套餐同加一个小食，另叫三支特价大啤酒。餐前小食四喜烤麸，里面除了面筋，仲有东菇、云耳及金针。用带甜的酱油煮得几好味㖞！海港烧鹅皇真系此酒楼之镇店之宝，皮脆肉嫩及充满肉汁，非常之正呀！瑶柱鲜菰烩海参啲鲜草菇炒得好爽口，瑶柱味极重及海参够淋，很好味呢！:翡翠炒龙趸球之石斑系新鲜，鱼肉好嫩滑啊！