Deer Kitchen (荃新天地) (已結業)

行开荃湾商场发现依间西餐厅，店内环境简约优雅，以绿草和鹿仔点缀，仲有两个大雀笼可以打卡，座位宽敞舒适，美食都有好多选择，价钱合理。主厨特色小食拼盘 $188拼盘有多款小食，大部份是炸物。炸鱿鱼圈几弹牙。芝士年糕口感烟韧，内里流心的，芝士味浓郁。炸鱼、炸薯角、薯丝虾都好香脆，唔会好油腻的。水牛城鸡翼辣辣地惹味好食。蟹子蟹肉明太子扁意粉 $218意粉相当挂汁，而且份量好足，口感烟韧弹牙。仲有劲多蟹籽蟹肉，非常慷慨，配以明太子酱汁咸香滋味，好食到不得了。即焗朱古力心太软配雪糕 $78心太软大件，切开大量朱古力酱倾出，味道比较甜，配上云呢拿雪糕刚好中和一下，雪糕比较冻，冰火交融对比强烈。黑钻森林(沙冰) $58都好大杯，饮落朱古力奶味香浓，成杯饮晒都唔会好甜，。冻抹茶鲜奶 $42淡淡的抹茶味香，口感滑滑唔错。