影片
更多
2025-01-24
0 浏览
今晚花市开锣啦, 我地去荃湾食晚餐后去行花市, 系荃新天地无论一期定二期都好多食肆比你选择, 有好多唔同餐厅; 我今日就嚟咗呢间西雅图屋试下, 佢好有港式扒房回忆, 餐牌除了主打港式铁板晚餐, 还有意大利饭, 意大利粉, 小食和沙律等供应。价钱贴地, 十分抵食。招牌铁板肉眼牛扒(纽西兰10安士) - $158牛扒约七成熟, 厚切且份量十足。铁板保持了食物嘅温度, 以及锁住丰富肉汁, 肉质松软不干韧, 淋上黑椒汁, 接触到铁板个一刹那, 滋滋咋咋, 烟雾弥漫, 散发浓郁黑椒香味。切开后肉质嫩滑牛味浓, 肉质嫩腍。仲可以拣配饭, 意粉或者薯菜。食牛扒就一定系配薯条啦! 薯条用经典嘅波浪薯条, 同铁板分开上唔怕被酱汁浸淋, 薯条香脆, 每一口都系香浓嘅薯味, 同埋脆口嘅口感。餐汤餐汤有忌廉汤及罗宋汤可以二选一 或者加$28就可将餐汤转成酥皮龙虾汤, 我老公要咗龙虾汤; 汤有香浓嘅龙虾味, 浓郁鲜甜而又带点黏口, 配上刚刚出炉嘅酥皮, 金黄松化酥脆, 每一口都系啖啖经典嘅味道呀, 简直系绝配, 里面仲有爽弹虾肉。款铁板扒餐都会附上牛油餐包, 餐包软绵绵, 好松软。海鲜龙虾汤意大利饭 - $13
招牌铁板肉眼牛扒(纽西兰10安士) - $158
牛扒约七成熟, 厚切且份量十足。铁板保持了食物嘅温度, 以及锁住丰富肉汁, 肉质松软不干韧, 淋上黑椒汁, 接触到铁板个一刹那, 滋滋咋咋, 烟雾弥漫, 散发浓郁黑椒香味。切开后肉质嫩滑牛味浓, 肉质嫩腍。仲可以拣配饭, 意粉或者薯菜。食牛扒就一定系配薯条啦! 薯条用经典嘅波浪薯条, 同铁板分开上唔怕被酱汁浸淋, 薯条香脆, 每一口都系香浓嘅薯味, 同埋脆口嘅口感。
餐汤
餐汤有忌廉汤及罗宋汤可以二选一 或者加$28就可将餐汤转成酥皮龙虾汤, 我老公要咗龙虾汤; 汤有香浓嘅龙虾味, 浓郁鲜甜而又带点黏口, 配上刚刚出炉嘅酥皮, 金黄松化酥脆, 每一口都系啖啖经典嘅味道呀, 简直系绝配, 里面仲有爽弹虾肉。款铁板扒餐都会附上牛油餐包, 餐包软绵绵, 好松软。
海鲜龙虾汤意大利饭 - $138
呢个意大利饭用咗最新鲜嘅海鲜, 有带子, 青口, 肉质有弹性, 特别系大虾, 肉质鲜甜, 龙虾汤汤底浓郁而且香滑, 都几配意大利饭, 食落去真系唔会腻。份量都唔少, 两个人食得好满足。饭粒就比较湿, 容易入口。呢个配埋餐汤同餐包, 我拣咗罗宋汤, 微辣, 好饮呀!
迷你水牛芝士薄饼 - $78
另外叫咗个迷你水牛芝士薄饼; 上枱热辣辣, 满满芝士, 好香浓嘅味道, 配埋蕃茄酱味, 简简单单嘅味道真系好夹, 而且水牛芝士好软棉咁, 有拉丝, 薄饼烤烘金黄脆口, 真系百吃不厌薄饼。
蓝莓香焦沙冰 - $48
餐饮转特饮有半价优惠, 加咗$24; 有益护眼蓝莓, 加香焦加冰, 奶搅拌, 紫色色调, 好靓, 不太甜, 啱哂我呀!
青柠茶梳打 – $38
餐饮转特饮有半价优惠, 加$19就有呢杯青柠茶梳打, 清清地, 青柠梳打感觉好清新, 记得一定要叫少甜。
张贴
