老厝邊

营业中

休息中

今日去荃湾做嘢，做完嘢去揾地方开饭，好想食台湾菜，听朋友之前提及过荃湾广场附近的大坝街出名餐厅集中，今次就系呢度揾食。呢度有午市套餐，我嗌了香喷喷鸡排卤肉大碗公配冻椰果蜂蜜柠檬（少甜）。白饭面内有大件鸡扒、卤肉、芽菜、粟米粒、卤蛋、蒜炒小棠菜，鸡扒面炸至酥脆，keep到肉汁，卤肉有五花腩条，香香滑滑的，粟米粒甜甜的，整碗样样有，大大碗大满足。冻椰果蜂蜜柠檬（少甜），蜂蜜柠檬够润喉，有啲椰果咬下正。但「少甜」都系好甜，下次要嗌微甜。最特别的地方是这间餐厅是有「阁楼」可以进膳，午餐时段大部份都坐满人，一人进膳预有机会要同人搭枱。