常滿百家菜

营业中

休息中

呢间酒楼主打任食，仲要系所有野任食。佢哋分别有任食火锅点心同任食小菜点心，今晚我哋就试咗火锅点心任食。佢有十多款唔同嘅汤底可以选择，我哋今晚就拣咗新推出嘅椰子鸡汤。配料方面，佢都有分自取同需要落单，需要落单嘅唔算好多，但应该要有嘅都有，亦都有大家常见嘅牛肉猪肉，仲有海虾同手打丸。自取方面有唔同嘅蔬菜面食，种类都十分丰富。除咗火锅配料之外，点心方面都有十几二十款可以选择，我哋试咗姜葱牛柏叶，小笼包同虾饺，仲有虾肠，冇偷工减料同平时饮茶嘅size系一样嘅。除此之外，佢仲有各式各样唔同嘅热食同平时大家酒楼会见到嘅甜品糖水，以及雪糕。另一个特色就系佢有玻璃樽装嘅汽水同麦精，仲要可以无限任饮。以呢个价钱嚟讲算系唔错。