影片
更多
2022-08-02
200 浏览
两个人撑枱脚嚟到呢间位于荃湾海之恋嘅Odelice ，餐厅主打法国菜，装修设计走型格路线以蓝色为主调，另外黑白格仔地砖再加埋吊灯，露台外面仲可以见到海景，环境都好阔落舒适。枱上仲要放上小蜡烛，增添几分浪漫气氛~法式小馆双人套餐$788，套餐包含汤、头盘、主菜两款及甜品，另外加配法国生蚝仲有八五折优惠！特色主厨拼盘呢个头盘真系分量十足，有烟三文鱼、意大利风干火腿、炸黑松露蘑菇球、三文鱼酱、烧茄子同埋酸种面包，每一款都各具特色，我就最钟意黑松露蘑菇球，黑松露香味浓郁，外脆内软！三文鱼酱配面包都好正～马赛龙虾海鲜锅满满一盘嘅海鲜！有龙虾、青口、大蚬、鱿鱼同埋盲曹鱼，龙虾啖啖肉仲有膏添啊，肉质爽口弹牙，贝壳类冇沙够鲜味，蕃茄酱汁酸酸甜甜充满海鲜味道，点面包一流呀！香橙烤猪腩即系法式烧腩仔😛表皮卜卜脆，油脂平均又唔会过于肥腻，肉质软淋但又有咬口，配搭香橙酱汁甜甜地好特别～酱汁仲有健康嘅羽衣甘蓝同埋幼滑薯蓉。法国生蚝好新鲜，充满海水味🌊蕃红花啤梨蛋糕呢件蛋糕仲系热热地㗎，香甜得来又唔会腻，啤梨仲有少少爽口，配搭香橙果酱，口味更有层次。
法式小馆双人套餐$788，套餐包含汤、头盘、主菜两款及甜品，另外加配法国生蚝仲有八五折优惠！
特色主厨拼盘
呢个头盘真系分量十足，有烟三文鱼、意大利风干火腿、炸黑松露蘑菇球、三文鱼酱、烧茄子同埋酸种面包，每一款都各具特色，我就最钟意黑松露蘑菇球，黑松露香味浓郁，外脆内软！三文鱼酱配面包都好正～
马赛龙虾海鲜锅
满满一盘嘅海鲜！有龙虾、青口、大蚬、鱿鱼同埋盲曹鱼，龙虾啖啖肉仲有膏添啊，肉质爽口弹牙，贝壳类冇沙够鲜味，蕃茄酱汁酸酸甜甜充满海鲜味道，点面包一流呀！
香橙烤猪腩
即系法式烧腩仔😛表皮卜卜脆，油脂平均又唔会过于肥腻，肉质软淋但又有咬口，配搭香橙酱汁甜甜地好特别～酱汁仲有健康嘅羽衣甘蓝同埋幼滑薯蓉。
法国生蚝
好新鲜，充满海水味🌊
蕃红花啤梨蛋糕
呢件蛋糕仲系热热地㗎，香甜得来又唔会腻，啤梨仲有少少爽口，配搭香橙果酱，口味更有层次。
张贴
