Chalet (已結業)

有时经过荃湾都会见到呢间餐厅，开头以为系酒吧，但原来系西餐。餐厅生意都好好，晚市满座，基本上book咗位都要稍为等一阵。餐厅服务好好，感觉几舒服。晚市有散叫或晚餐。我哋叫咗一个晚餐然后散叫。晚餐有汤、前菜、主菜及甜品。汤都好足料，几creamy。仲配有面包，呢度嘅面包好好食，外脆内软！前菜拣咗烟三文鱼牛油果芝士卷，卖相同味道都唔错。主菜拣咗油封鸭髀配半熟吞拿鱼菠菜沙律$308🥗油封鸭髀好香，皮够脆，鸭肉亦都够滑。半熟吞拿鱼都几厚切，配埋沙律几好。散叫前菜西班牙辣肉肠蒜片虾配面包条$108，呢个真系好好食！面包条新鲜整起，又系外脆内软。西班辣腊肉肠够惹味，而且蒜片虾好香，大大只，点埋个汁Perfect！想叫主菜叫咗法国面包蟹会意大利饭$248。呢个意大利饭啲饭软硬度适中，而且饭充满龙虾海鲜味，好鲜味。甜品系bread pudding~蛋味几重，味道都几特别，唔会太甜。