麻辣好滋味

营业中

休息中

有钟意食辣嘅朋友真幸福，今次到朋友带我去揾食。呢间餐厅「麻辣好滋味」位于荃湾曹公坊，系香车街街市对面，餐厅好有大排档风味，提供烤鱼、川菜，及多款凉拌小食。《香辣烤青江鱼》烤鱼份量超大，选咗青江鱼，因为冇咁多细骨，鱼有先煎香，加炉再慢烤一会，吸收咗汁底更加好味。至于配料方面，精心配搭，包括有豆皮条、腌制过酸萝卜、豆腐、鸭血、大豆芽菜、炸黄豆、自家制魔芋等，非常丰富而且好食到不得了。《泡椒田鸡》本身钟意食田鸡嘅我，因为觉得用泡椒煮比较少食同几得意，所以决定试吓。泡椒味酸酸辣辣，田鸡肉嫩，整体味道香浓，十分惹味。加埋支冰冻啤酒，食下倾下，不亦乐乎。吾饮啤酒，亦可饮加多宝降降火。除了烤鱼，餐厅仲有提供特色清汤牛腩煲及羊腩煲，并配备火锅配料供选择。老板娘及店员都很招呼周到，介绍餐厅招牌及撚手菜。主厨空闲时亦会同客人倾下计交流，十分亲切。