Vision 8

餐厅地方唔算大，但装修优雅，比人感觉都几舒服。见到墙上挂满圣诞装饰，感觉好似提早食圣诞餐甘，已有种喜悦感。🍴餐汤加面包餐包微暖软熟，餐汤分量多，带浓郁蕃茄味，好开胃。🍴洋葱烟肉芝士焗薯皮（4件）$48好似只船仔甘，装满好多食材。口感丰富，沾上酸忌廉会更好食。🍴鹅肝苹果杂菜沙律 $148鹅肝肥大肉厚，外表金黄内里嫩。入口溶化，味道系口腔内浪接浪甘扩散。配合苹果既酸甜、脆饼干混合，味道好夹，有层次又好食。沙律菜新鲜，配意大利黑醋清新。🍴蜜汁烧德国咸猪手 $198当猪手上菜时，店员会问需唔需要帮我地切开。为左更方便进食，所以店员都帮手开切。两三下手势已拆骨，够专业。猪手份量十足，外皮好香脆，肉质鲜嫩啖啖肉，惹味又唔觉腻。🍴朱古力心太软 $68外面松化，切开一下里面热辣辣既朱古力溶浆，慢慢流出去，为呢一餐锦上添花。雪糕同心太软都系微甜，就算一个人食哂都唔觉漏丫。餐厅环境舒适，店员被人感觉积极、友好，令人有种宾至如归既感觉。食物质素都唔错，的确系荃湾区西餐好选择。