牛摩 (荃灣千色匯I) (裝修中)

荃湾火锅大把，好食过几间，黄金时间就算平日基本都要排队，但有时要夜食，去边都差唔多，好野通常都无哂！还掂都系要唛无唛，我梗系有几平食几平！九点正入闸，惯性先选汤底，日式火锅汤底简单，同正价时段一样六选一，胜在可以一人一锅，两人去即变鸳鸯，但四人大枱得大锅一个，人多反而无选择，牛肉就唔洗选，指定精选牛肉，唔系最平架！加上免加一，比原时段平几十蚊，猪同鸡可以选，但问得要唔要当然唔要！唔迫你食一转都系依间最好嘅地方。坐底立即去抢！基本上依个时间已十清九空，全程只有芝士肠补过货，生菜我攞到两转，张枱细都尽攞！食完先攞甜品都无，沙冰同雪糕都系，唔想无就唯有自制新地乐或冰雪新地。牛肉质素无差，可能头两转系切肉师傅切定，望落正常，但其实都越切越多，第三份开始系即切，未融雪，切得好碎，第四份可能熟手左，大大块，但都成碟肉碎，质素无变，只系已融雪同未煮出嚟外观同口感多有分别，不过都比一般火锅任食有质素！可能尾段佢都唔想理你，加第一次个碟已大小小，比例正常，之后明显系有几多放几多，其实我都未试过加梗多次，边叫佢出面无野食，俾机会我专注食牛，非常满足！