HIKARI

Hikari係日文中既光，呢間位於荃灣嘅Cafe店如其名，室內有充足陽光而且樓底高，唔會有侷促感，可以係度過一個休閒下午餐牌上有唔同主食、輕食同飲品選擇，定價唔會太貴今次自己一人午餐，店完安排坐咗喺窗口隔離吧枱，可以望住街景，好悠閒主食揀左安格斯牛柳粒青醬意粉。粗身意粉煮得al dente，青醬既香草味好濃烈，加上一粒粒松子，每一口都有果仁香🤤安格斯牛柳粒份量都幾多，肉質夠稔而且肉味好重！配埋不同菇類一齊炒，成個意粉味道好豐富，真心推♥️不過食到最尾會有少少油，health conscious 人士要留意下！飲品揀左黑芝麻鮮奶，一上枱就見到面頭好靚既獨角獸，奶白同芝麻既黑色成強烈對比，打卡一流🦄 飲落去味道唔會太甜，芝麻味濃但唔會搶過鮮奶甜味，口感好順滑，好飲🥰