正宗山西刀削麵店 (已結業)

嚟之前我完全唔知道同名嘅舖头响荃湾原来有两间！响沙咀道果间至系开饭网入围热店！咁响雄记隔篱嘅呢间舖到底系同一品牌旗下分店丫，抑或只系店名相同，两间舖系毫无关系呢？有待各位巴打丝巴查证报料。言归正传，我今次就去咗荃兴径呢一间。两位嚟到，是但叫少少嘢share试吓咩料。豆浆有煲㶶底嘅味，豆味淡，水太多，得个甜。失败！皮厚馅少冇肉汁，最离谱系个醋，疑似勾兑开稀咗。失败！刀削面厚身爽韧饱肚，可惜汤底太咸；鸡翼合格。猪肠系唯一做得我认为好食嘅，爽口冇怪味，再入味少少会更好。埋咗单出咗问口问女友：「呢间嘢仲有冇下次？」女友不假思索、斩钉截铁地答我一个字：「冇！」