影片
更多
2022-06-20
785 浏览
早几个月因为疫情，完全冇食过好嘢，就算普通堂食，都完全冇机会，而家情况好转返啲，就梗系食下好西啦！呢个商场我成日都去，但系就未食过呢间餐厅，因为净系睇门面，都知道佢唔系野少，今晚就同一个朋友去试吓佢嘅晚餐啦！呢间日本餐厅嘅门面相当大，仲门口望入去餐厅内部，基本上都望唔到尽头，门口位置摆放左一啲特色嘅清酒及摆设，成个感觉都好宽阔，感觉系好舒服的由于餐厅占地非常大，所以唔讲唔知，原来餐厅一共分开咗三个主要部份，第一系清酒Bar区，就系一入门口，大家而家见到嘅位置，另外仲有 Omakase 及 天妇罗铁板烧区，真系不得了事不宜迟，即刻俾大家睇吓今晚我哋叫咗啲咩食啦，由于样样都想有啲，所以今晚就决定叫咗一个二人套餐，当中包括寿司，特色菜式，串烧 及 熟食等第一个先到嘅就系呢个前菜，佢系和风柚子水牛芝士沙律，本身可能你以为佢系一款平平无奇嘅沙律，但系我觉得佢成个调味都非常好食，除咗有羽衣甘蓝呢啲特别嘅蔬菜喺度，佢成碟沙律都非常新鲜，而且水牛芝士口感非常特别，望落就好似一粒鹌鹑蛋咁，食起上嚟，有淡淡芝士嘅味道，但一啲都唔腻！够晒特别同开胃餐厅系按着套餐嘅次序去上菜嘅，第二样就有呢个三文鱼子鲍鱼天使
呢个商场我成日都去，但系就未食过呢间餐厅，因为净系睇门面，都知道佢唔系野少，今晚就同一个朋友去试吓佢嘅晚餐啦！
呢间日本餐厅嘅门面相当大，仲门口望入去餐厅内部，基本上都望唔到尽头，门口位置摆放左一啲特色嘅清酒及摆设，成个感觉都好宽阔，感觉系好舒服的
由于餐厅占地非常大，所以唔讲唔知，原来餐厅一共分开咗三个主要部份，第一系清酒Bar区，就系一入门口，大家而家见到嘅位置，另外仲有 Omakase 及 天妇罗铁板烧区，真系不得了
16 浏览
0 赞好
0 留言
事不宜迟，即刻俾大家睇吓今晚我哋叫咗啲咩食啦，由于样样都想有啲，所以今晚就决定叫咗一个二人套餐，当中包括寿司，特色菜式，串烧 及 熟食等
第一个先到嘅就系呢个前菜，佢系和风柚子水牛芝士沙律，本身可能你以为佢系一款平平无奇嘅沙律，但系我觉得佢成个调味都非常好食，除咗有羽衣甘蓝呢啲特别嘅蔬菜喺度，佢成碟沙律都非常新鲜，而且水牛芝士口感非常特别，望落就好似一粒鹌鹑蛋咁，食起上嚟，有淡淡芝士嘅味道，但一啲都唔腻！够晒特别同开胃
13 浏览
0 赞好
0 留言
餐厅系按着套餐嘅次序去上菜嘅，第二样就有呢个三文鱼子鲍鱼天使面，本身又系觉得，点解咁搞笑，会有pasta呢啲嘢食，但系原来餐厅都有好几款日式嘅Fusion意粉供应，够晒特别
由于我个人非常喜欢三文鱼子，佢呢度嘅三文鱼子非常鲜甜，完全为呢个天使面做咗强大既点缀，鲍鱼切片呈现，爽口弹牙，而天使面嘅口感亦非常出色，酱汁属于忌廉汁，调校得非常适中，承诺都好舒服，成个面既份量会令你感觉到满足，但又唔会太饱，觉得唔错
13 浏览
0 赞好
0 留言
一睇就知呢个系寿司五贯，一共分别有五款寿司，有赤身，左口裙边，甘海老，真鲷及深海池鱼
呢一道寿司就系由 Omakase 区既师傅制作，净系睇卖相都已经够晒吸引，而且唔系三文鱼𠮶啲普通嘢，我自己个人就最钟意 左口裙边 同埋 甘海老，非常新鲜之余，特别系 甘海老，口感非常浓厚丰富有张力，完全唔系一般普通嘅平价甜虾款式，同时寿司嘅饭底都做得好好，整得都好好食
11 浏览
0 赞好
0 留言
之后有 清酒煮蚬，可能呢度有清酒卖，而且对清楚嘅要求都有一定嘅水平，所以呢个清酒煮蚬嘅味道非常香浓，就知道所投放嘅清酒并非极普通平价嘅类别，蚬都算系大只，并无空壳，而且全部都已经吐沙，所以食起嚟，非常舒服冇杂质，会令你有惊喜
10 浏览
0 赞好
0 留言
如果你饮清酒，当然都会建议你食埋串烧，因为呢个可以讲系绝配，呢度有三款串烧，左面嘅系炭烧免治鸡肉棒，中间系炭烧紫苏牛油虾，右边系炭烧冬菇
5 浏览
0 赞好
0 留言
我个人认为最出色，一定要叫嘅，就系呢个炭烧免治鸡肉棒，同时都系月见模式，即系有日本蛋俾你沾点，日本蛋非常鲜甜，鸡肉棒亦烧得外脆内软，同埋由于餐厅确实真系用炭去烧，所以口感同味道都更加出色
4 浏览
0 赞好
0 留言
喺甜品之前，就有呢个美国肉眼稻庭乌冬，其实食到嚟呢度，基本上都已经开始饱，再加埋呢碗乌冬，已经非常满足
2 浏览
0 赞好
0 留言
其实佢最特别之处，除咗佢用咗美国肉眼，识落牛肉嘅味道香浓，一啲都唔韧，口感好好；同事会用上稻庭乌冬，基本上系乌冬加入味道最好食嘅乌冬，同样地，都系口感好好，本身嘅清汤， 混合埋牛肉汁喺度，所以，整体嘅味道都好清新，唔会令你拒之门外
5 浏览
0 赞好
0 留言
最后最后，当然唔少得甜品，佢嘅甜品就系每人一个雪糕球，呢个雪糕球嘅味道系提子冧酒，唔似得平时普通朱古力或者云呢拿𠮶啲普通味道，令今餐咁特别嘅一餐，画上一个完美嘅句号
左边晚市套餐A，就系我哋叫嘅套餐啦，如果两个人嚟食，如果唔系非常大食，基本上都一定足够
如果想食好啲，或者再食多啲，就可以选择右边嘅套餐B，我觉得佢啲内容都非常吸引
总括而言，由于荃湾区有咁高质嘅日式餐厅，绝对非常罕见，同时满足晒你想食寿司，串烧，铁板烧嘅愿望，再加埋真正嘅环境及服务都非常高水准，所以如果去开荃湾区，又想食高质素嘅日式餐厅，真系绝对值得一试！
张贴
