Vici Restaurant & Bar (已結業)

今日book咗荃湾一间酒吧食西餐，喺沙嗲王附近。因为行咗一阵街，行到好攰谂住早啲过去，间餐厅个气氛好好，系一个高级酒窖嘅装修。一坐低呢就俾咗个爆谷我哋，仲要系咸爆谷，送酒一流，部爆谷机都好特别。之后叫咗两杯佢哋嘅signature Cocktail，Pink skeleton 同埋Paradise ，两杯都几啱我哋口味，酒精啱啱好。前菜叫左个西班牙白芦笋田园沙律，入面有白芦笋、羽衣甘蓝、粟米、藜麦、红菜头、青瓜、车厘茄配埋胡麻酱，个味道几唔错。主食有蒜香辣大虾意粉，我几钟意佢𠮶阵辣味，意粉𠮶个口感啱啱好，另外只大虾都好新鲜，比我想像之中份量多。叫左个酱油焗银雪鱼 无骨劲滑 都几厚肉酱油既味道甜甜的 有d似日式西京烧既味道 配系侧边既芦笋 椰菜吸晒d酱油味 好惹味 最后全部吃光光 一件不漏😆星期三同五仲有live band ，一路饮酒一路听live Band超正。