Vision 8

呢间一向好多人BOOK黎庆祝生日、纪念日等，今日早收工就碌左入去食饭，环境几舒服！叫完野食又有餐包同汤，先见到好多人叫Wellington Steak，但太饱已食唔落，唯有留返下次！ 🍴香煎带子配牛肝菌忌廉汁烩意大利面 $188★★★★☆三件带子，大大粒好爽弹。意粉唔会煮得太淋有咬口，加埋个牛肝菌忌廉汁，够哂浓郁！份量都几大，两个女仔食都几FULL🍴酥炸小食拼盘 $118★★★★☆叫左先知个拼盘咁巨大，入面有几款野：鱼手指、芝麻鸡翼、鱿鱼圈、薯条。即叫即炸，热辣辣，性价比高，咩都有D，2-3人啱哂！🍴清蒸菠菜龙利柳卷配甜椒汁 $218★★★★☆店员话呢个系厨师推荐，出黎真系有惊喜！呢个有啲中西式MIX咁，几创新！有三大件，唔好睇佢系清蒸以为冇味，旧龙利柳好嫩滑又腌左味，包裹住菠菜，点埋个甜椒汁好开胃。另外仲配埋个薯仔批，芝士加埋薯仔片，正！🌟总括：整体野食、环境都唔错，野食方面仲有啲几特别，会再ENCORE！