Hungry Monkey (海之戀商場) (已結業)

早排同男朋友专登嚟到荃湾西睇嘢，行到肚饿，就决定就喺附近到食嘢。见到呢间嘅门口好似几吸引咁，就去咗食。比目鱼沙律比目鱼有轻轻烧过，好香鱼油味，加埋酸酸嘅汁，非常开胃。冰头渍食落爽爽地咁，啲汁亦都系酸酸地，令人食唔停口。唐扬鱿鱼须唔会皮大旧过鱿鱼须，炸到啱啱好，几好食。鹅肝食落好香油脂，入口即溶咁，果然冇嗌错！明太子奄列好香蛋香味，再加埋明太子嘅辣辣哋咁，好夹，我男朋友都话好好食。烧鳕鱼干呢个鳕鱼干烧到好似饼干咁，几好食，甜甜味咁。原只活北寄贝食落好鲜甜弹牙，好食到我哋都要喺到争食！🤣A5和牛坑腩好重牛味，油脂丰富，真系做到入口即溶！食到想再嗌！芝士御好烧唔算好突出，有啲普通，但都有啲芝士味。钟意食芝士嘅朋友都可以嗌吓。松叶蟹肉海胆饭好多蟹肉同海胆，几足料，食完个饭都已经好饱。铁板梳乎厘坐bar枱可以睇到师傅整，梳乎厘好有空气感，好好食！呢到嘅饮嘢名都好得意，我哋嗌咗绿帽侠同17碎半，都几好饮。整体食物都唔错，有机会嚟荃湾西一定会再食。