影片
更多
2020-05-11
572 浏览
生牛肉同汤河分开上，可以自行决定牛肉嘅生熟程度。作为一个想减肥嘅人，拣越南菜嚟食就最啱！贪佢烹调手法倾向天然清淡，又多菜多海鲜。早2日去荃湾行街，刚好经过享和街，就拣小越厨用晚膳。呢度唔算好大，不过设有排排卡位，坐得几舒服。至于价钱方面，大部分套餐都在HK$40-HK$60之间，相当亲民。 呢个系自选汤河餐，加埋都系HK$50咋！好抵！话得主打越南菜，一定要食生牛肉汤河！我几钟意呢度汤河会同生牛肉分开送上嘅，可以按个人嘅喜好，控制牛肉嘅生熟程度。好似我比较钟意熟啲，就会趁汤仲热时放牛肉，利用汤嘅热力将牛肉浸熟，反而，钟意生啲，可摊一阵先放肉。 呢边嘅生牛肉，感觉比平时食到嘅厚，我第一下有少少食唔惯，但其实厚少少嘅肉片较有咬口，爽口得嚟不失鲜嫩，唔错。至于个汤底，感觉几正宗嘅牛骨汤鲜甜咸香。虽然老实说，一定唔及越南时食到嘅清甜，偏向浓厚，但隐隐带有香料的余韵，味道大概都有越南正宗餐厅嘅7、8成水准，以50蚊左右嘅价位嚟讲，绝对物有所值。 跟餐嘅泰式虾饼，份量都唔少！ 米纸虾卷够低卡，又大份，减肥一流。我另外仲叫咗炸虾饼、米纸虾卷。炸虾饼略嫌薄咗少少，不过酥脆可口，沾酱酸酸甜甜，
招牌生牛肉同汤河
$43
25 浏览
0 赞好
0 留言
作为一个想减肥嘅人，拣越南菜嚟食就最啱！贪佢烹调手法倾向天然清淡，又多菜多海鲜。
早2日去荃湾行街，刚好经过享和街，就拣小越厨用晚膳。呢度唔算好大，不过设有排排卡位，坐得几舒服。至于价钱方面，大部分套餐都在HK$40-HK$60之间，相当亲民。
自由选配汤河（生牛肉＋泰式炸虾饼＋生菜）
$50
15 浏览
0 赞好
0 留言
话得主打越南菜，一定要食生牛肉汤河！我几钟意呢度汤河会同生牛肉分开送上嘅，可以按个人嘅喜好，控制牛肉嘅生熟程度。好似我比较钟意熟啲，就会趁汤仲热时放牛肉，利用汤嘅热力将牛肉浸熟，反而，钟意生啲，可摊一阵先放肉。
呢边嘅生牛肉，感觉比平时食到嘅厚，我第一下有少少食唔惯，但其实厚少少嘅肉片较有咬口，爽口得嚟不失鲜嫩，唔错。
至于个汤底，感觉几正宗嘅牛骨汤鲜甜咸香。虽然老实说，一定唔及越南时食到嘅清甜，偏向浓厚，但隐隐带有香料的余韵，味道大概都有越南正宗餐厅嘅7、8成水准，以50蚊左右嘅价位嚟讲，绝对物有所值。
跟餐嘅泰式虾饼，份量都唔少！
米纸虾卷
$44
27 浏览
0 赞好
0 留言
我另外仲叫咗炸虾饼、米纸虾卷。炸虾饼略嫌薄咗少少，不过酥脆可口，沾酱酸酸甜甜，几开胃。而米纸虾卷就劲多料，大量蔬菜、九层塔、虾皮，札札实实两大条，配搭埋浓郁嘅花生酱，食完好满足。
冻罗汉果茶
$16
15 浏览
0 赞好
0 留言
最后，饮品我拣咗罗汉果茶，好少餐厅有得点咁有益嘅嘢～（心里撒花）
罗汉果自带甜味，又有清肺止咳、润肠通便嘅功能，解毒一流！
P.S. 呢餐我预计总卡路里在700卡内，真心食晒都无罪恶感！推荐！
自由选配汤河（生牛肉＋泰式炸虾饼＋生菜）HK$50
自制罗汉果茶HK$16（跟餐减$10）
米纸虾卷 HK$44
餐厅唔大，但坐得尚算舒服。
墙上好多越南饰物。
附设餐厅Menu，供大家参考。
★－:+:－:+:－:+:－:+:－★
🎡味道：4
🎠环境：3
🎪服务：4
🕌CP值：4.5
（*5为最高分）
★－:+:－:+:－:+:－:+:－★
◌ 小越厨
◌ 荃湾享和街49号都城大厦地下D舖
★－:+:－:+:－:+:－:+:－★
张贴
