古今二 (荃灣千色匯I) (已結業)

今日到荃湾行街，哩间餐厅bookmark咗好耐，咁来试试啦。今次拣咗忘不了你，东京爆脆，琦玉网烧牛舌同杂锦天妇罗。杂锦天妇罗送上来热笠笠，有虾，日本甜薯同秋葵酿虾滑，份量都算大，虾都有3只。哩间天妇罗都炸得几有水准，表皮好酥脆，面衣好薄身，唔会吸咗好多油，食完都唔会觉得油腻。虾肉好紧实q弹，食落没有雪味， OK。最好味喺秋葵酿虾滑，估唔到虾滑同秋葵可以更夹，食落好惊喜，真喺想食多几件，正。琦玉网烧牛舌叫咗细份，得5件牛舌。不过牛舌喺厚切，成件差唔多有半个手掌大。牛舌烧得啱啱好，表皮带点焦香，里面好幼嫩，点落搭配啲酸汁，真系好满足。哩一份牛舌只要58hkd，真系劲抵食。忘不了你真系好有特色，最上面喺芒果，中间夹咗炸和牛，仲加咗3种口味啲酱汁：芥末酱，沙律酱同照烧汁。每一啖口感都好丰富，酸甜啲芒果加上炸和牛嘅酥脆口感，真系一试难忘，好好食。东京爆脆都几有特色，饭团中间喺炸过啲蟹柳同吞拿鱼，食落好清爽，唔会觉得好油腻，一次过食咗蟹柳同吞拿鱼，抵啦。最后埋单唔够360HKD，以哩𠮶价钱同摆咗更多心思落去，真喺超抵食！