醉藥雞 (啟志樓) (已結業)

最近病咗一排，大节日又系咁食啲热气野，今日食翻啲补啲嘅醉鸡米。荃湾好多人都推醉药鸡。叫咗一锅招牌醉鸡米加蛋，冷面同两样小食。我食醉鸡米冇乜经验，只系食过旺角嘅一间。呢间嘅醉药汤底完全唔同，可以形容为大人口味嘅醉汤，偏多药材味，汤料都好足(有红枣，姜米，山药，木耳等) 面亦有好多选择(米线、米粉、刀削面、银针粉等) 鸡就3-4旧，唔系鸡髀都好滑。醉蛋好入味，蛋黄好松，仲有几条虫草花。另外嘅冷面就唔多讲，总言之都系食翻招牌菜好啦，其他就忘记佢，个面嘅质地好似泥胶咁。醉牛舌都几入味几淋，有5片左右。