Vision 8

今日朋友带我黎咗荃湾兆和街既Vision 8食晚餐。首先黎咗餐包同个餐汤，今日个餐汤系杂菜汤，入边好足料，见到有好多唔同种类嘅菜，而且饮落去淡淡蕃茄香。小食就叫咗黑松露薯条，除咗薯条上面有黑松露之外，仲跟咗个黑松露酱，点完食落口真系满满既松露味。主菜面就叫咗西班牙风干火腿薄饼，呢度既薄饼系薄身而且有芝士，食落去好脆口，每啖都食到西班牙火腿既香味，跟住配埋火箭菜中和返，好食到令人食唔停。另外，仲叫咗清蒸菠菜龙脷鱼配甜椒汁，出到黎卖相好特别，原来系龙利卷住波菜，加埋甜椒汁好开胃，隔离个忌廉薯仔配菜都好出色。离开既时候见到门口有个猪鞍扒6点后有优惠，下次有机会既话要黎试吓！