Chalet (已結業)

下午同男朋友去完荃湾光板田村同影贴纸相之后，夜晚去食西餐。我地叫左半打生蚝，今日系西班牙珍珠蚝。我以为珍珠蚝会好细只，结果原来几大只。生蚝鲜甜多汁，有三种酱俾你：红酒醋、柠檬汁、cocktail sauce。法式海龙王配面包，有半只波士顿龙虾、带子、青口、大蚬、鱿鱼、盲𫚧各二。海鲜全部都几新鲜，海虾汤好好饮，好清甜，送外脆内软既面包超正，面包索晒汤汁。炭烧澳洲羊架有四件，叫左五成熟，碟上铺上希腊乳酪，伴以薯仔、芦笋同红萝卜。羊架入口软腍，无羊膻味，好食。苹果金宝配云尼拿雪糕用透明盖盖住上碟，一打开有烟散出黎，唔怪得味道带有微微烟薰味。苹果金宝充满苹果粒，外面口感酥脆配上软腍既苹果粒，再加埋有银箔既云尼拿雪糕，正。6:00-9:00系happy hour，于是叫左两杯cocktail：Margarita同Old Fashioned，两杯都几好饮，前者易入口，后者酒味浓烈。