影片
更多
2024-01-15
87 浏览
荃湾大滚友火锅, 听都听过朋友讲好多次, 今晚决定同老公去食返餐, 当补祝生日饭! 呢间位于红绵大厦地下, 佢嘅装修好华丽, 充满古色古香, 好用心嘅布置, 座位都比较阔落, 一坐低店员就会放低酱料九宫格 包括辣椒、葱、生蒜、芝麻、炸蒜、芫荽、腌青瓜和干葱油, 每位酱介$25。汤底有镇店7款, 有时令汤底6款, 仲有秋冬推介2款; 我地拣咗玲珑浮凸-花胶鸡汤锅。玲珑浮凸-花胶鸡汤锅 - $318/半只半只鸡, 加两大大片花胶打边炉汤底都真系几豪; 汤底金黄色好吸引, 店员帮我地剪好哂啲花胶放哂系汤煲汤内先, 等佢滚一阵, 店员叫我地饮碗汤先, 饮落超浓, 觉得自己饮紧鸡精落肚, 饮完汤可以开始慢慢打边炉, 之后就可以落埋啲鸡, 因鸡系半生熟, 加热几分钟就食得, 肉质鲜嫰。牛肉拼盘 (细) - $418打边炉一定要叫牛, 但有时心大心, 唔知叫咩牛肉食好, 呢个拼盘包含牛既唔同部位, 重牛味之余仲要冇咩肥膏; 上枱系一整盘仙气牛肉盘咁, 每样牛都精致无比, 色泽均匀, 颜色好靓, 雪花分布平均; 包括有牛味香浓顶级牛小排, 美国顶级雪花肥牛, 溢出牛脂香嘅骰子牛肉粒, 有咬口牛𦟌,
玲珑浮凸-花胶鸡汤锅 - $318/半只
半只鸡, 加两大大片花胶打边炉汤底都真系几豪; 汤底金黄色好吸引, 店员帮我地剪好哂啲花胶放哂系汤煲汤内先, 等佢滚一阵, 店员叫我地饮碗汤先, 饮落超浓, 觉得自己饮紧鸡精落肚, 饮完汤可以开始慢慢打边炉, 之后就可以落埋啲鸡, 因鸡系半生熟, 加热几分钟就食得, 肉质鲜嫰。
牛肉拼盘 (细) - $418
打边炉一定要叫牛, 但有时心大心, 唔知叫咩牛肉食好, 呢个拼盘包含牛既唔同部位, 重牛味之余仲要冇咩肥膏; 上枱系一整盘仙气牛肉盘咁, 每样牛都精致无比, 色泽均匀, 颜色好靓, 雪花分布平均; 包括有牛味香浓顶级牛小排, 美国顶级雪花肥牛, 溢出牛脂香嘅骰子牛肉粒, 有咬口牛𦟌, 爽弹牛吞喉, 整体高质牛味浓厚。
伊比利亚橡果猪 - $168
叫咗一份伊比利亚橡果猪, 食落唔会好腻, 清晰嘅油花, 好平均分布, 边边嘅肉质肥美带果香, 肉味丰腴, 绝无肉膻味。
黑松露蟹肉饺 - $78
皮薄馅多, 粒粒馅料都好饱满, 咬开见到真系有蟹膏, 里面有鲜香十足既蟹肉配埋黑松露香, 香气扑鼻食完一粒再encore
手打蟹子鲜虾丸 - $72
最钟意叫手打丸, 今日呢个虾丸几爽口弹牙, 又够新, 我一庚食咗几粒。
杂菜拼盘 - $98
摆盘好靓,, 够哂大盘, 胜在咩都有, 有金菇, 生菜, 娃娃菜, 油麦菜, 木耳, 粟米, 莲藕片, 海带, 红菜头, 莴笋都有, 种类丰富, 色彩鲜艳。
竹蔗茅根 - $78
大大壶用一个好别致又好中国式嘅茶壶装住, 入边仲见到系真材实料, 清甜可口, 打边炉下火之选。
火焰焦糖豆腐花
呢个系冻嘅豆腐花, 用木桶装住, 店员会将红糖加上去先, 加少少酒, 再用火枪烧出焦糖, 变成焦糖脆面嘅豆腐花; 豆腐花好嫩滑, 另一樽糖水, 甜度由你自己再调配。
张贴
