名捌月 (已結業)

母亲节就到，要提早同嫲嫲食母亲节饭庆祝下。乖孙钟意食西餐，所以嫲嫲都话要去食西餐。今次拣咗荃湾嘅名捌月，之前同朋友嚟食过，啲嘢食整得几好味。又坐得几舒服。母亲节就食得丰富的，叫了一份澳洲M6和牛比嫲嫲叹下，不过都系开心share 嘅！和牛肉质素好好，煎得刚好，仲有肉汁，切开都系粉红嫩肉。套餐包餐汤、牛角面包及饮品。呢个蟹肉汤加＄8，有蟹肉、几好味。主菜仲叫了墨鱼汁煎元贝烟三文鱼饭食到个嘴乌卒卒，好搅笑！松叶蟹肉蟹膏意粉非常香浓，个汁好正劲多蟹肉，焗德国咸猪手好大件，个皮系脆嘅，肉仍然滑嫩，不令干身。