蝦蝦燒 (已結業)

荃湾大鸿辉出名多正嘢食，今次我地去咗间任食海鲜烧肉嘅餐厅，呢度只要$348就可以食到多款海鲜、串烧同甜品🤩。一入到嚟，就见到海鲜档摆放咗扇贝、带子、鱿鱼🦑、鲍鱼、生蚝🦪、沙白蚬、黄花鱼🐟等等海鲜。另一边有个大雪柜放咗超多款式嘅串烧同肉类，有沙姜鸡翼🐤、蒜蓉鸡翼🐤、黑椒鸡翼🐤、猪髀仔🍗、羊架🐑、叉烧🐷、猪颈肉🐷、鸡皮🐤、鸭胸🦆、猪大肠🐷、芝士丸🍡、肠仔、菠萝🍍等等。坐低座位后，店员会教我哋点样烧大头虾同教我地用电炉，上层放海鲜下层烧串烧，然后就送上一碟烧白鳝俾我哋🐟，烧完外皮香脆 ，肉质Q弹，加埋甜甜嘅酱汁超好食呀😍！系度可以睇住大头虾喺水缸入面游嚟游去🦐，非常生猛。拎住冰桶喺出面加冰🧊同水💦，然后夹起大头虾放喺冰水入边，冻晕佢之后就可以烧。烧完嘅大头虾外皮脆卜卜，肉质爽弹而且虾头有膏好正😋。🩵海鲜推介🩵▫️生蚝：加啲蒜蓉放喺生蚝上面烧🦪，烧完嘅生蚝仍然饱满多汁！▫️鲍鱼：烧之前记得将鲍鱼同壳用铰剪分开✂️，如果唔系烧𠮶时会弹起身🙈！鲍鱼新鲜识郁架，口感爽口弹牙，沾豉油食鲜甜味出晒嚟😍！▫️扇贝：扇贝最钟意食有橙色膏🧡，加啲蒜蓉牛油🧈同豉油食，好好味。出面仲有粉丝拎，自制蒜蓉粉丝扇贝都得～🧡串烧