草民 (已結業)

同好姊妹喺尖沙咀行咗成日街，又系时候医肚喇。喺尖沙咀食lunch，排队绝对系一个考验耐性大挑战，加上我哋攞住一袋二袋又谂住Girl's talk，地方太狭窄又唔坐得耐嘅地方都唔no way。系呀，我哋系港女嚟架，不过，港女就最识食！今日就嚟到出名多嘢食嘅厚福街，揾到呢间好有文青feel嘅cafe，今日就等我哋姊妹淘啦！秘制鸡中翼：10个女仔，真系11个都钟意食鸡翼架，呢度嘅秘制鸡翼，外表脆卜卜，里面就好sweet好juicy！唔错。黑松露野菌意大利饭：黑松露加野菌真系无得输，仲要配埋好creamy嘅意大利饭，食落唔溜仲好香，粒粒饭都有好浓郁嘅黑松露味架。经典卡邦尼意粉：白汁同茄汁2拣1，我一定系拣白汁，因为我真系好钟意好creamy嘅嘢架！呢个卡邦尼意粉，啜每条意粉都好多忌廉汁，真系heavy得嚟又食唔停口呀！爆脆草地滚球：碟上铺满抹茶金宝，上面仲有好大个朱古力波同大蝴蝶，我哋用上小木槌大大力敲碎朱古力波，里面就见到甜酒啫喱、朱古力脆米同芝士蛋糕雪糕，真系睇得又玩得！