諾亞半熟蛋糕專門店 (已結業)

诺亚由最初卖半熟蛋糕, 变成依家有另一主线芝士蛋糕. 一向对日本淡味芝士蛋糕都有好感, 但依家潮流唔兴, 冇乜日式芝士蛋糕卖, 知道诺亚有近似款式, 谂著睇吓.去到分店, 见到芝士蛋糕都有好几种, 有芒果, 草莓, 香芋, 又有小黄鸭同熊仔造型. 见到草莓芝士蛋糕颜色鲜艳, 比较新鲜吸引, 就买一个两口子试食.因为买完仲有一段时间先会食, 店铺会提供干冰，约可保存两小时.同店见另有灯胆玻璃樽型饮品, 有蜂蜜红豆水卖, 见价钱唔贵个玻璃樽外型又咁靓, 可以留番嚟插花, 买多樽红豆水试吓.番到屋企已经超过两小时, 干冰已经溶哂, 但个蛋糕底依然好冻. 蛋糕切开时觉得比较软身, 好难切得整齐. 上层放满新鲜草莓同草莓味果冻, 中层系草莓忌廉芝士, 下层系朱古力蛋糕. 蛋糕食味比较接近日式芝士蛋糕, 芝士比较淡同软滑, 同平时食开纽约芝士蛋糕浓味完全唔同, 轻盈可口, 加上新鲜草莓, 酸甜适中.跟著饮埋蜂蜜红豆水. 红豆水系近期好hit健康饮品, 据闻可以去水肿. 饮落有淡淡红豆味, 加上蜂蜜甜甜地好入口.