Godiva Chocolatier (海港城) (已搬遷) 新店位置

最近系网上已见到Godiva出咗新口味草莓味软雪糕，适逢海港城做紧优惠券活动，就应朋友约去觅食，其中一间就食Godiva嘅雪糕啦！平时$50嘅软雪糕，用优惠券后每人只需$25，真系饭后甜品嘅好选择！草莓味雪糕早前已系其他国家有售，今次嚟到香港真系令我十分期待！外表粉粉嫩嫩嘅颜色，连个cone都变身成为粉红色嘅莓干围边，置顶仲有撒上粉色嘅粉末，真系太少女心了！食落更系满满嘅草莓味，果味都几强，配埋围边莓干味道更有层次又丰富了！Cone嘅质感依旧咁脆，同软雪糕柔软嘅口感形成对比！爱草莓嘅可以一试，平时食开朱古力味食到寡都可以转转口味，试下呢个草莓带来嘅甜蜜滋味！