LIFETASTIC Patisserie (又一城)

营业中

休息中

又一城中庭位开左LIFETASTICS佢地主打系草莓西瓜蛋糕，因为以前在悉尼食过草莓西瓜蛋糕，而今次行过见到有，虽然一件仔蛋糕成$78咁贵，都一于试一次。包装个袋的确好贵气，好实净。番到屋企挂住食，食到最后先记得为个蛋糕留倩影😂讲番个蛋糕，中间系有果仁粒，我觉得系破坏左蛋糕软滑既口感，当然个蛋糕唔会系难食既，但我食唔出点解咁贵。同一般蛋糕唔同，比较特别既系蛋糕面有玫瑰花瓣，有淡淡的花香。另外大家可以见到佢地卖既蛋糕中间层次系好丰富嘅，但系我食果时全冇为意到呢点，主要感觉到的是果仁粒、忌廉、西瓜、士多啤梨、蛋糕。大家想打下卡呢个蛋糕系几靓既，主要系佢鲜艳既颜色同埋丰富嘅层次。