台站 (已結業)

荔枝角新开小店，主打台式早餐、小食及午饭，以外卖形式，下单付款等食物，过程都几快。见个古早鲁肉饭卖相唔错，就一于试下。除左鲁肉饭，仲有肉燥饭，多款小食，全部都好有台式风味。当日迟左去，有几款小食都售罄。见仲做紧优惠，有热饮送，都几贴心。古早鲁肉饭 $29，都好大盒，份量十足。鲁肉用五花肉，肥瘦相间，油润甘香，而且鲁得入味又唔过咸，个汁先正，用来拌饭一流。仲有糖心蛋都好入味，仲特别多份酒香，味道比一般的更好，系个饭偏干左少少，但纸盒装好有台式便当风味。风味盐酥鸡 $26比相像中细份，但味道唔错，咸咸香香，系个重香料的炸鸡粒。肉质微弹唔会太干，外层酥脆，d香料摇均黎食就岩岩好。外卖包装都干净整齐，等左一阵就有，午餐时间几方便。