籽泰 (已結業)

如果唔系去开附近做嘢，真系唔知道离开地铁站咁远嘅地方有间AEON，而AEON入面又有几间餐厅，就决定行个街食埋野先走啦。由于今日冇着低胸针织衫，所以决定唔食萨利亚，而试咗佢旁边呢间泰国菜。六点去到，应该刚刚开始晚市，我哋系第一枱客人，地点都算寛敞舒适。荔枝梳打，卖相平平实实，我钟意佢唔算太甜，但又有荔枝嘅香味，仲有大大粒嘅荔枝肉。生菜包系其中一样我最钟意食嘅泰国菜。佢哋用嘅生菜好新鲜，而且系生菜鲜嫩嘅部份。肉碎酸酸辣辣，辛辣程度比较亲民，应该大部份香港人都食得到。后来老板娘过咗嚟同我哋倾偈，原来佢哋使用嘅猪皮系佢地泰国厨师自己鲜炸，仲要一共炸两次先保持到香脆同冇油益味。猪皮炸走晒d肥油，所以一d都唔油腻。青咖哩羊腩咖哩好香口，茄子系先烤过嘅。羊腩炆得好淋，而且冇乜骚味，加埋蒜蓉包就最衬。佢地嘅招牌船面汤底都好足料，我叫咗嘅牛肉船面，肉类有肥牛、牛腩，仲有牛丸。大大碗，如果有叫其他嘢食，一个人真系未必食得晒。芒果糯米饭嘅芒果好多，用嘅系泰国水仙芒，清甜得来又唔腻，芒饭比例同响泰国食嘅好相似（芒果多糯米饭少）。少少暖嘅糯米饭，大份量嘅芒果加埋椰汁，咁样丽完结一餐，实在无敌。呢度嘅地点唔算就