OWLS Coffee (已結業)

装修简单，座位比较少，得十几个位，环境几静，倾计舒服，都有人会坐喺到睇书饮咖啡，但定价比较进取。*Cold brew $55自己嘅cold brew自己斟，玻璃樽直接喺雪柜攞出嚟，保持到冻嘅状况，樽身张贴纸好可爱，cafe装修都有呢个画，连咖啡机都有呢副图，应该系cafe嘅招牌画。玻璃杯反而冇放入雪柜，入面有旧大冰，冰入面片薄荷叶系装饰，完全冇薄荷味。大冰融得慢啲，冇咁易沟淡嘅咖啡。咖啡豆系Fruity果香味，偏酸，个人口味唔系好啱呢种咖啡豆。Chocolate tonic $58玻璃杯装住tonic，橙片基本上系装饰用。朱古力酱装喺枝唧装入面，单食朱古力酱好甜，好浓嘅朱古力味，唧入tonic water都系偏甜，整体而言系几特别。