上勝日本料理 (昌隆工業大廈) (已搬遷) 新店位置

第一次喺荔枝角食嘢，约咗朋友行D2。本来谂住夜啲先食正餐，但实在太肚饿经过见到一间门口唔系好显眼嘅日本餐，唔知系唔系晚饭时间好多人，谂住细食少少，夜晚再食宵夜。叫咗啲刺身，价钱唔贵正常，谂住普普通通，点知出到嚟嘅水平系中上，就算夜晚食啲刺身都好新鲜，三文鱼好肥美。但食刺身唔饮嘢又好似争D野，见到佢poster有新出嘅芒果酒，好吸引本身好钟意食芒果，同朋友叫咗一人一杯，点知一饮上咗忍劲好饮，好饮到后尾干脆叫咗一支嚟饮，二个女仔不知不觉就饮左劲多，我同朋友食饭都唔会叫酒饮，但今次真系例外劲易入口。好推介比女仔饮仲有叫左几串串烧，虽然等咗阵，但证明佢系即烧，鸡翼劲好味，我唔会好似出边咁得啲皮有味D肉冇味。我嘅第一篇食评就俾咗佢，总括来讲价钱对得住食物绰绰有余，除咗地方细左D，环境窄左D，但对我来讲小店就系咁，注重嘅系食物质素。