Catio (已結業)

喺荔枝角嘅工业大厦最近新开咗一间人气颇高嘅猫喵cafe「Catio」。烟三文鱼bagel：佢哋嘅bagel都有下功夫，上台都仲系热辣辣，好松软。而佢哋仲夹住清爽嘅生菜同埋秘制嘅酱汁，当然唔少得主角烟三文鱼，而佢哋嘅烟三文鱼份量好多，啖啖bagel都可以食到满满嘅烟三文鱼。而bagel仲有一客清新清爽嘅沙律作伴碟，啲菜都几新鲜，再加埋秘制沙律酱，令到沙律菜嘅清新清爽感觉得以升华不少。乌龙茶：茶味浓郁，芬芳扑鼻，同bagel嘅味说好夹。朱古力：佢哋嘅朱古力可以拣有奶或无奶，我哋呢次就拣咗有奶，因为加咗奶嘅关系，除咗增添不少奶香味外，仲令到口感变得顺滑，容易入口，而佢哋嘅甜度适中。