影片
更多
2024-12-31
263 浏览
平时同朋友都好钟食西班牙菜，估唔到今次系长沙湾都揾到间高水准餐厅！餐厅星期五晚坐满哂人，问过店员佢哋话成日都好full booking，想食记得要早啲book枱！🙈我哋几个女仔都嗌咗唔少嘢食🤣一开始都有少少吓亲店员，好好彩嘢食都好有水准，大家都食得好开心🥳我哋叫咗几款Tapas:松露蘑菇可乐饼($20)蟹肉可乐饼($20)墨汁鱿鱼可乐饼($20)每款Croquetas我哋都嗌咗一个，大家一致觉得蟹肉最出色🤤里面一丝丝嘅蟹肉劲鲜而且加好creamy🦀另外两款同样足料㗎~不过比较之下就相对逊色炸曼切戈芝士($78)呢个炸芝士好出色！热辣辣嘅芝士有拉丝嘅效果，芝士面头有少少嘅蜜糖点缀，细细块食落都唔会太漏🧀🙂↔️辣味薯角($68)就咁听个名会以为系来货嘢🤣但原来系千层薯角，再加上蒜蓉蛋黄酱同辣蕃茄酱😆都系一款好惹味好啱送酒嘅tapas!海鲜都嗌咗三款:蒜油虾($108)🧄🦐虾食落弹牙，而且鲜味十足，蒜油同样好浓郁，调味亦啱啱好，配埋酸种多士食超级滋味😝慢煮八爪鱼($168)🐙用慢煮嘅方法令到八爪鱼食落唔会韧，配埋底下嘅薯仔一齐食，调味上都好清新唔会太重，食得出八爪鱼嘅鲜味🙆🏻♀️青口配蕃茄酱
平时同朋友都好钟食西班牙菜，估唔到今次系长沙湾都揾到间高水准餐厅！
餐厅星期五晚坐满哂人，问过店员佢哋话成日都好full booking，想食记得要早啲book枱！🙈
我哋几个女仔都嗌咗唔少嘢食🤣一开始都有少少吓亲店员，好好彩嘢食都好有水准，大家都食得好开心🥳我哋叫咗几款Tapas:
松露蘑菇可乐饼($20)
蟹肉可乐饼($20)
墨汁鱿鱼可乐饼($20)
每款Croquetas我哋都嗌咗一个，大家一致觉得蟹肉最出色🤤里面一丝丝嘅蟹肉劲鲜而且加好creamy🦀另外两款同样足料㗎~不过比较之下就相对逊色
炸曼切戈芝士($78)
呢个炸芝士好出色！热辣辣嘅芝士有拉丝嘅效果，芝士面头有少少嘅蜜糖点缀，细细块食落都唔会太漏🧀🙂↔️
辣味薯角($68)
就咁听个名会以为系来货嘢🤣但原来系千层薯角，再加上蒜蓉蛋黄酱同辣蕃茄酱😆都系一款好惹味好啱送酒嘅tapas!
海鲜都嗌咗三款:
蒜油虾($108)🧄🦐
虾食落弹牙，而且鲜味十足，蒜油同样好浓郁，调味亦啱啱好，配埋酸种多士食超级滋味😝
慢煮八爪鱼($168)🐙
用慢煮嘅方法令到八爪鱼食落唔会韧，配埋底下嘅薯仔一齐食，调味上都好清新唔会太重，食得出八爪鱼嘅鲜味🙆🏻♀️
青口配蕃茄酱($208)
青口正正常常，不过蕃茄汁好惹味，忍唔住叫多咗个酸种多士点个汁食🙈
Main就嗌咗~
封门柳($168)
火候控制得好好，既食到外皮嘅焦香，肉入面依然保持到好好嘅生熟程度😆一人食得一块有啲唔够🤣
鱿鱼墨汁饭($258)🦑🥘
个人系超钟意食墨汁饭！🤣呢个亦冇令我失望🤤鱿鱼鲜味十足，饭都有焦香，蒜味蛋黄酱更加将个饭带咗去另一个层次😍
Special - 红虾西班牙海鲜饭($328)
红虾嘅虾膏好浓郁，店员帮我哋捞埋落个饭度，啖啖都里满虾膏香，不过呢个价钱净系得红虾一款海鲜，有少少进取🙈下次可能会想嗌返正常嘅paella～
Special- Lamb Shoulder ($588)
呢个就相对失色，大家都有啲失望🤧羊嘅骚味有啲太重，肉质都有啲嚡，连同羊肩上嘅羊肉汤调味都有少少重手🥶
当日因为系庆祝朋友生日，店员好好咁送咗几杯酒俾我哋，仲同我哋一齐饮，超好气氛！我哋坐到过哂闩铺时间都冇赶我哋走🤣同店员倾计都feel到佢哋好有心同对自己嘅出品好有信心，系值得推介嘅小店！
张贴
