影片
更多
2024-11-07
1159 浏览
最近见公司附近新开咗台湾餐厅，发现原来系book mark过想试嘅‘那个’，于是揾个时间嚟试吓环境：可能因为系工厂区，出面冇招牌，门面同内部装修简约，不过地方几大，值得一提嘅系好多梳化位，而且座位唔会好迫，坐得几舒服服务：行全自助模式食堂风，类似大家乐，包括落单/取餐/执返餐盘都系全自助，睇得出想悭返啲人手，如果要求有服务嘅应该唔啱食，不过自己就觉得好过出面好多餐厅人手唔够，叫极都冇人应机食物：$64香烤猪扒便当+冻柠檬茶+甜不辣烤猪扒都几好食，不过未到Juicy 反而值得一提嘅系配菜，有个人最钟意嘅台式酸菜同炒粉丝，送饭一流而且仲有炒包菜同粟米炒蛋，够晒丰富，宜家出街好难有菜食㗎冻柠茶正常，甜不辣烟烟韧韧几好食$78玖香啤酒猪软骨汤面+冻炭烧乌龙奶茶+台湾肠同行友人叫咗另一个猪软骨面，猪软骨煮得好腍好入味，啲肉唔会好嚡，好好食，钟意猪软骨嘅真系要试乌龙奶茶都有惊喜，炭烧味几香台湾肠就同台湾食到嘅味道好接近价钱嚟讲有少少贵，不过嘢食同𩠌嘅份量都好多，唔会得两旧意思意思，附近做嘢嘅人可以多一个高质选择，不过午餐时间就比较多人，如果赶时间嘅可能要考虑一下够唔够时间
环境：
可能因为系工厂区，出面冇招牌，门面同内部装修简约，不过地方几大，值得一提嘅系好多梳化位，而且座位唔会好迫，坐得几舒服
服务：
行全自助模式食堂风，类似大家乐，包括落单/取餐/执返餐盘都系全自助，睇得出想悭返啲人手，如果要求有服务嘅应该唔啱食，不过自己就觉得好过出面好多餐厅人手唔够，叫极都冇人应机
食物：
$64香烤猪扒便当+冻柠檬茶+甜不辣
烤猪扒都几好食，不过未到Juicy
反而值得一提嘅系配菜，有个人最钟意嘅台式酸菜同炒粉丝，送饭一流而且仲有炒包菜同粟米炒蛋，够晒丰富，宜家出街好难有菜食㗎
冻柠茶正常，甜不辣烟烟韧韧几好食
$78玖香啤酒猪软骨汤面+冻炭烧乌龙奶茶+台湾肠
同行友人叫咗另一个猪软骨面，猪软骨煮得好腍好入味，啲肉唔会好嚡，好好食，钟意猪软骨嘅真系要试
乌龙奶茶都有惊喜，炭烧味几香
台湾肠就同台湾食到嘅味道好接近
价钱嚟讲有少少贵，不过嘢食同𩠌嘅份量都好多，唔会得两旧意思意思，附近做嘢嘅人可以多一个高质选择，不过午餐时间就比较多人，如果赶时间嘅可能要考虑一下够唔够时间
张贴
