Mee...lemongrass (已結業)

马鞍山近呢一年新增好多食肆，其中东南亚都竞争最激烈，有泰国菜、越南菜、星加坡菜等等，最新加入嘅就有Mee lemongrass. 餐厅位置喺五期天桥旁边，面口大大个招牌，好易揾！受疫情影响，加上系下午茶时段，无乜人。下午茶选择非常之多，大大话话有成十几款，我就拣咗个肉骨茶，加黑糖珍奶。肉骨茶相信系马来西亚配方，汤头较深色较黑，而且饮落有淡淡药材味，仲见到有d杞子喺汤入面！肉骨茶当然唔少得排骨，一字排骨炆到好淋，轻轻一咬可以撕出肉丝，旁边嘅豆卜同枝竹就吸收晒药材汤嘅味道！黑糖珍奶系我估唔到佢整得咁好饮！佢用胶杯装住，方便客人饮唔晒可以带走。黑糖珍奶嘅琥珀颜色非常吸睛，饮到浓浓嘅牛奶味，但黑糖又唔太甜，配埋弹牙嘅珍珠，好饮！我一路食嘢嘅时候发现餐厅有一部分做外卖饮品，都有唔少人嚟买架wo ！我见到佢仲有好多款饮品，好似十胜牛奶红豆、芝士奶盖乜乜乜等，下次行过就算唔食嘢都可以食翻杯！