Wake Up

营业中

休息中

原来系荷里活广场有间几有惊喜嘅西餐厅，一直都以为呢啲大型广场全部餐厅都系连锁餐厅，今日竟然发现到呢间低调得来环境同嘢食都几吸引嘅西餐厅就忍唔住入去试吓！食物嘅款色非常多，无论系意粉、饭、汉堡包、扒你谂到嘅咩都有，我哋嗌咗个烧伊比利亚有骨黑毛猪鞍配黑椒汁伴薯菜，呢个猪鞍真系必食，厚有成四cm咁厚，啖啖肉，啖啖都爆汁，而且入口口嫩滑，猪味都好浓郁，几有惊喜！另外我哋仲嗌咗个dinner set for one，呢个set都几抵食，百零蚊包个餐包、餐汤、嘢饮、前菜同埋主食，仲要质素都唔错，连餐包都系热辣辣上嘅，前菜我哋拣咗水牛鸡翼，入口都几嫩滑，几好食，主菜我哋就拣咗原条香草盐烧鲜鱼，条鱼煎得啱啱好，外皮煎到金黄色脆卜卜，外脆内软，入口即溶，非常新鲜！