莆田 (利舞臺廣場)

营业中

休息中

寻日食过莆田嘅午市头等餐，今日返寻味，因为太抵食。叫左两个莆田午市头等餐，$198两个人，价钱相宜，仲包茶钱。寻日食黄花鱼餐，今日就食另一个荔枝肉餐。荔枝肉餐包莆田扁肉汤，莆田荔枝肉，金汤时蔬，莆田主食3拣一，同莆田甜品。莆田扁肉汤莆田扁肉汤即紫菜饺子汤，一客7粒迷你饺子，再加紫菜同香莤葱花。饺子系用鱼皮饺包住葱花同猪肉，味道唔错。个汤几清，好饮。莆田荔枝肉莆田荔枝肉一客八件，块皮少少脆，热辣辣上枱，肉质算嫩，当然有肥膏。个汁带少少荔枝味。伴碟有灯笼椒，翠玉瓜一片同荔枝一粒。金汤时蔬金汤时蔬系豆苗，用左金银蛋同蒜子一齐整。豆苗新鲜，份量唔少，金汤好味得黎够健康，味道唔错。兴化炒米粉莆田主食3拣一，有红菇海鲜卤面，渔民紫菜焖饭同兴化炒米粉。寻日试左红菇海鲜卤面，今日我哋拣左兴化炒米粉。米粉整得够干身，算唔错。配料同红菇海鲜卤面差唔多，有好硬嘅蛏干，超迷你蚬仔，一只去唔哂壳嘅鲜虾，超迷你带子粒，另外仲有少少猪腩肉片，小棠菜，娃娃菜，冬菇片，豆卜，仲有少量炸紫菜同花生粒增加口感。同红菇海鲜卤面一样，海鲜配料质素就好麻麻。莆田甜品莆田甜品都系花生糖水。总括而言，试过黄花鱼餐同荔枝肉餐，个人觉得