莆田 (利舞臺廣場)

营业中

休息中

今日约了好友到铜锣湾莆田食饭。好彩有订枱，餐厅已经坐满人，食惯广东菜，想食福建菜，咁应该要来莆田，莆田出名食蛏子，打开餐牌，原来蛏子有8种煮法，有蒜蓉蒸，酒槽，盐焗，花雕，炒疍，炖汤，姜葱炒仲有爆炒。餐厅坐得舒服，台与台之间留有空间，仲有卡位坐，照光明亮，装潢时尚。芋香棒-4件芋头炸好香，外层好脆，芋头好香好，食唔停。仲叫埋福建肉粽。冰爽酒糟蛏子今次食蒜蓉同酒槽煮蛏子，天气好热，胃口麻麻地，食冰爽酒糟蛏子，蛏子大大只仲好饱满而且多汁，味道鲜甜，而且仲有好香嘅酒香味。福建肉粽，肉粽一定要加上辣妈辣椒酱，它可以带出肉粽另外一种层次的味道，辣椒酱带点酸辣味道，肉粽里面有蛋黄、豚肉、腊肠、莲子、同糯米，带有种荷叶香味。精美四小拼（有九转小肠、紫菜、面筋、肴肉)小肠一点唔肥腻而且好爽口，肴肉味道唔错，紫菜仲有虾米仔同埋面筋。蒜蓉蒸蛏子另一种食法，蛏子肉质好爽口多汁，配上蒜蓉蒸，又热又香蒜蓉令蛏子味道清甜。