莆田 (利舞臺廣場)

营业中

休息中

同FD一齐做冬，想食多D海鲜，咁拣莆田好啦。铜锣湾哩间分店晚市好full，差唔多8点都要等位。宜家多咗唔少新菜，尤其系做紧海蛎节，218可以拣两道𩠌TIM。爽口前菜，今次送咗一份细前菜，系用糖醋腌制嘅木瓜片。第一次咁样食木瓜，好特别LOL。木瓜酸甜脆口好清爽，一碟完全唔够食，应该要放入menu才得。鲜榨西瓜汁，西瓜汁睇得出系鲜榨，上层仲留低少少泡沫，饮落西瓜味浓郁好清甜。燕皮扁肉汤，每次黎莆田必叫，细细只扁肉有8只。扁肉肉香爽口，汤底清澈透亮，再落入头茬紫菜，饮落更加鲜甜。辣子鲜海蛎，海蛎裹粉油炸，食落外皮脆口，内里暴晒汁水。少少辣椒调味，更加衬托出海蛎啲鲜甜。鲍鱼辣椒小炒肉，快手小菜，好考验功夫。鲍鱼猪肉都切得好薄身，落入大火爆出，逼出猪肉油脂，青椒炒到啱啱断生就可以出锅。鲍鱼脆口嗦晒猪油香味，食落好惹味。蒜蓉蒸老虎虾，哩个系今日主菜，大大只老虎虾对切开边，落入蒜蓉一齐蒸。火候掌握得好好，虎虾系啱啱熟，肉质弹牙爽口又好清甜。蒜蓉加入，味道层次会更加丰富。