勵揚餐飲小食 (已搬遷) 新店位置

啱啱睇完食家 『Yan~*』嘅食评, 令师傅胃口大开, 非常之想去试下, 可惜呢一区堪称 『山卡啦区』, 如果唔系喺呢头住都好难会喺呢头食野, 所以师傅都好难约到咁多朋友入黎食, 唯有自己单拖去试一试啦, 于是就决定拣呢间食店作为是日午餐!去到食店都唔算太多人, 可能过左放饭时间, 店内环境唔算特别大, 求其揾个位坐底后, 就睇下有咩好食啦, 最后见到个是日午餐餐牌都颇吸引, 师傅就柯打碟黑椒鸡扒火腿肠仔饭同餐饮冻柠茶作为呢餐嘅主菜!等嘅时间都算耐, 但好明显系即叫即整, 如果唔赶时间都几好架; 所以冻柠茶就首先登场, 冻柠茶茶底不算香浓, 茶味唔够之余仲有少少涩口, 而柠檬亦不算香, 但胜在够冻, 一般啦; 而黑椒鸡扒火腿肠仔饭卖相不错, 黑椒汁够香但唔够辣, 如果再辣少少相信会更惹味; 鸡扒唔算太大块亦不算细块, 煎得甚香且肉身算滑, 但鸡皮未算煎到脆, 仲带少少干身; 火腿就有煎过, 味道可以, 而肠仔就略嫌咸左少少, 加上白饭本身都几硬, 整体都可以啦!总括黎讲食物质素尚可, 服务就普普通通啦, 环境亦算清洁干净, 价钱就可以啦, 廿七蚊个餐再加两蚊冻饮, 埋单唔过三十, 都算