菓甜品 (已結業)

几时都话食甜品有另一个胃，就算同朋友个头食完正餐，呢头都总会觉得少咗啲，要食埋甜品先圆满！甜品铺墙身系花朵嘅涂鸦，枱又有唔少嘅干花做摆设，系另类嘅打卡位。丝丝入心我就拣咗个心太软，一上枱就已经要疯狂打卡，好靓，心太软蛋糕放咗系弯弯嘅月亮形饼干上面，再加个朱古力蝴蝶做点缀；而下面嘅云呢嗱雪糕又用咗薄荷叶同红桑子脆脆做配料，感觉都几唯美！除咗个样，味道仲好唔错，一叉开个蛋糕，啲朱古力流心酱就慢慢流落雪糕度，温暖嘅朱古力酱同冻冷冷嘅雪糕好match !朱古力味仲好浓！香蕉金莎朱古力窝夫伴榛子雪糕窝夫外脆内软，冇煎𤓓，旁边嘅酱真系好金莎，有金莎独有嘅榛子香，香蕉同酱料都好多，用泥配窝夫啱啱好。杂果雪芭身边总有几个唔识死嘅朋友，天气咁冻都要食雪芭！杂果好足料，水果款式都几多，雪芭系用菠萝泥做容器，好可爱。Facebook 同Instagram 打卡、比like ，全单就有95折，几抵！